డాక్టర్ పై జరిగిన ఘోర సంఘటనపై మున్నూరుకాపు సంఘం నిరసన
మహిళా మున్నూరుకాపు సంఘం ఆధ్వర్యంలో కొవ్వొత్తులతో నిరసన
న్యాయం కోరుతూ, కఠిన చర్యలు డిమాండ్ చేసిన సంఘం నేతలు
కలకత్తా RG కార్ హాస్పిటల్ లో జరిగిన దారుణ సంఘటన – డాక్టర్ పై అత్యాచారం, ఆపై హత్య – అందరి హృదయాలను కలచివేసింది. ఈ ఘోరానికి నిరసనగా తాలూకా మున్నూరుకాపు సంఘం మరియు తాలూకా మహిళా మున్నూరుకాపు సంఘం ఆధ్వర్యంలో కొవ్వొత్తుల ర్యాలీ నిర్వహించారు.
మున్నూరుకాపు మహిళా సంఘం అధ్యక్షురాలు దేషెట్టి ప్రభ మాట్లాడుతూ, డాక్టర్ కుటుంబానికి న్యాయం చేయాలని, దోషులను వెంటనే కఠినంగా శిక్షించాలనే డిమాండ్ చేశారు. మున్నూరుకాపు సంఘం అధ్యక్షుడు కాళ్ల విఠల్, ప్రధాన కార్యదర్శి కలాల శ్రీనివాస్ కూడా ఈ కార్యక్రమంలో పాల్గొని, సమాజంలో ఇలాంటి దారుణ ఘటనలపై తీవ్రంగా స్పందించడం అవసరమని పేర్కొన్నారు.
జోగు శైలజ, పసుల రమ, వడ్డరపు లలిత, ముత్యాల మంజుల, ఆరే నవనీత, దేశెట్టి సౌజన్య, బండారి అనూష, రౌతు శ్రీలత, కీర్తి సుజాత, బండారి సుధ, కలాల కావ్య, మెంగవార్ ప్రేమల తదితరులు ఈ ర్యాలీలో పాల్గొన్నారు.