అంగన్వాడి కేంద్రాలలో నిర్మాణ పనుల పర్యవేక్షణపై కలెక్టర్ ఆదేశాలు.
టాయిలెట్స్ మరియు త్రాగునీటి సౌకర్యాల నిర్మాణంపై దృష్టి పెట్టాలి.
మిషన్ భగీరథ ద్వారా త్రాగునీటి సమస్యలను పరిష్కరించాలి.
అదిలాబాద్ జిల్లా కలెక్టర్ రాజర్షి షా శుక్రవారం కలెక్టరేట్ సమావేశ మందిరంలో నిర్వహించిన సమావేశంలో, అంగన్వాడి కేంద్రాలలో నిర్మిస్తున్న టాయిలెట్స్ మరియు త్రాగు నీటి సౌకర్యాల పనుల పురోగతిని సమీక్షించారు. ఈ సమావేశంలో మహిళా శిశు సంక్షేమ శాఖ సిబ్బంది, అంగన్వాడి టీచర్లు, DWO, ACDPO, CDPO, సూపర్వైజర్లు, eepr, Tribal PR, AEOలు పాల్గొన్నారు.
కలెక్టర్ రాజర్షి షా, పెండింగ్‌లో ఉన్న పనుల గురించి ఆరా తీసి, త్వరగా పూర్తిచేయాలని ఆదేశించారు. అదిలాబాద్ అర్బన్, బోథ్, జైనథ్, నార్నూర్, ఉట్నూర్ CDPOల ఆధ్వర్యంలో 40 అంగన్వాడి భవనాలు మంజూరు చేయగా, 26 పూర్తయ్యాయి మరియు 14 ఇంకా పెండింగ్‌లో ఉన్నాయి.
టాయిలెట్స్ లో నీరు లేకపోవడం, త్రాగు నీటి సమస్యలు వంటి వాటిపై మిషన్ భగీరథ EE ను ఆదేశించి, త్రాగు నీరు అందుబాటులో లేకపోయిన చోట ప్రత్యామ్నాయ మార్గాలు పరిశీలించి రిపోర్ట్ సమర్పించాలని సూచించారు. టాయిలెట్స్ మరియు ఇతర నిర్మాణాలు త్వరితగతిన పూర్తి చేయాలని మరియు కాంట్రాక్టర్ రాకపోతే, ఇతర వనరులతో పనులు పూర్తిచేయాలని కూడా ఆదేశించారు.
ఈ సమావేశంలో ట్రైనీ కలెక్టర్ అబీగ్యాన్ మాలవియ, DWO సబిత మరియు ఇతర అధికారులు పాల్గొన్నారు.