జిల్లా కేంద్రంలోని గంగపుత్ర శివాలయంలో సోమవారం మహా అన్నదాన కార్యక్రమం నిర్వహించారు. దాతలు చిట్ల భూమారెడ్డి-సరోజినీ దంపతులు, చిట్ల జయపాల్ రెడ్డి-సౌజన్య దంపతులు, వినోద్ కుమార్, జ్యోతి కజాడియా, కంది శ్రీనివాస్ రెడ్డి – స్వయంగా భక్తులకు భోజనం వడ్డించారు. ఈ కార్యక్రమంలో శివాలయం కమిటీ సభ్యులు, జిల్లా గంగపుత్ర సంఘం బాధ్యులు పాల్గొన్నారు.
శివాలయాల్లో భక్తుల సందడి
శ్రావణ మాసం మొదటి సోమవారం సందర్భంగా శివాలయాల్లో భక్తుల సందడి నెలకొంది. మహా దేవుని దర్శించుకోవడానికి వేకువ జాము నుంచే భక్తులు ఆలయాలకు తరలివచ్చారు. జిల్లా కేంద్రంలోని గంగపుత్ర శివాలయం, రాజరాజేశ్వర దేవాలయం, రామ్నగర్లోని మల్లికార్జున ఆలయం, రవీంద్ర నగర్ పాత హౌసింగ్ బోర్డ్ కాలనీలోని ఉమామహేశ్వర ఆలయాల్లో భక్తులు ప్రత్యేక పూజలు నిర్వహించారు. శివ లింగానికి క్షీరాభిషేకం, ప్రత్యేక అర్చనలు చేశారు. ఆయా ఆలయాల వద్ద భక్తుల సౌకర్యార్థం కమిటీ సభ్యులు అన్ని ఏర్పాట్లు చేశారు